Палескія рабінзоны» Янка Маўр

Книга на белорусском языке (иллюстрированное издание).

Новае выданне аднаго з самых вядомых і любімых твораў беларускай дзіцячай літаратуры. У кнігу ўвашло больш за 90 ілюстрацый вядомай мастачкі Лізаветы Лянкевіч.

"Палескія рабінзоны" – аповесць пра прыгоды і ўменне не здавацца нават у безнадзейных сітуацыях. Двое сяброў-падлеткаў церпяць "караблекрушэнне" падчас разводдзя Прыпяці і больш за месяц шукаюць спосабы выжыць на востраве і вярнуцца дадому, а заадно знаёмяцца з прыродай Палесся і вымушаны ўступіць у барацьбу з кантрабандыстамі.

Кніга будзе цікавай дзецям ад 8-10 гадоў і, безумоўна, дарослым (тым, якія ў дзяцінстве вельмі любілі гэтую кнігу, а таксама тым, якія пакуль яе не чыталі).

Янка Маўр

Сапраўднае імя — Іван Фёдараў. Нарадзіўся ў горадзе Лібаве, які зараз завецца Ліепая, у сям'і сталяра. Быў адлічаны на апошнім курсе семінарыі за вольнадумства. Працаваў настаўнікам, прыняў удзел у нелегальным з'ездзе, пасля чаго ўлады забаранілі яму выкладаць. Толькі праз некалькі гадоў Янка Маўр змог вярнуцца да любімай справы.

Дэбютаваў як фельетаніст у газеце «Савецкая Беларусь» і часопісе «Бегемот». Адбылося гэта ў 1923 годзе і адкрыла перад маладым пісьменнікам шырокія літаратурныя перспектывы.

Першай надрукаванай на беларускай мове аповесцю стаў твор «Чалавек ідзе!..». Поспех быў велізарным! Юныя чытачы прасілі напісаць працяг. І потым кожны новы твор Янкі Маўра карыстаўся нязменнай папулярнасцю. Пісьменнік добра ведаў дзіцячую псіхалогію, заўсёды размаўляў з дзецьмі на роўных і казаў пра іх: «Хоць малыя, а чалавекi».

Доставка по Польше и всей Европе.